Do 23-05-2024 ao 23-05-2024
Do 30-05-2024 ao 30-05-2024
Máis dun cento de persoas reuníronse na Praza do Concello de Vimianzo para dicirlle non á violencia de xénero.
Participaron representantes das asociacións do Concello, que fixeron entrega de candanseu lazo violeta como símbolo da repulsa ao maltrato.
O alumnado de sexto curso do CEIP San Vicenzo de Vimianzo ademáis de elaborar unha pancarta portaron un total de 54 carteis con 54 nomes, correspondentes a cada unha das vítimas de violencia de xénero durante o ano 2013.
O alumnado do IES Terra de Soneira tamén participou no acto, cada participante portou unha ilustración e recitou un lema en contra do maltrato.
Ao rematar repartíronse entre as persoas asistentes uns bolígrafos de cor violeta conmemorativos do Día internacional contra a violencia de xénero.
O alcalde, Manuel Antelo, mostrou o seu agradecemento a todas as persoas que se xuntaron para rexeitar o maltrato, o seu apoio a todas as inciativas tendentes a eliminalo da nosa sociedade e ás mulleres maltratadas animounas a buscar axuda, a deixar aos maltratadores e a denuncialos.