17-12-2013
Desde Laponia a Vimianzo por videoconferencia
Xa estamos metidos de cheo no Nadal e os nenos son os protagonistas absolutos destas celebracións. Hoxe os afortunados forin os nenos e nenas de Educación infantil do Ceip San Vicenzo de Vimianzo os primeiros en poder falar con Papá Noel. Divididos en dous grupos de 30 alumnos os nenos e nenas chegaron ao telecentro cheos de ilusión e nervios, con cadansúa carta para deixarlle a Papá Noel por se non tiña tempo de anotar todos os agasallos que querían pedirlles. Os nenos que quixeron puideron pedirlles os regalos mentres Papá Noel ía tomando nota para pasarlle aos seus renos e que os vaian elaborando.
A partir do xoves 19 poderemos ver a Papá Noel polas rúas de Vimianzo, e o domingo día 22 terá a súa gran festa na Casa da Cultura para que todos os nenos e nenas que non puideron entregarlle a carta non queden sen os seus agasallos.