16-05-2013
187 vimianceses e vimiancesas no Balneario de Arnoia
A primeira das excursións para maiores de 60 anos organizada polo concello saía de Vimianzo na mañá do mércores dispostos a pasar tres días no Balneario de Arnoia, en Ourense. 187 participantes gozarán duns días de relaxación acompañados pola concelleira de Benestar Social, Mª Xosé Ramos, e por Félix Roget, do departamento de Benestar.
Chegaron á Arnoia ao mediodía e xa puideron aproveitar para probar as piscinas e dar agradables paseos pola fermosa paisaxe da contorna. Na mañá do xoves voltarían ás piscinas e os tratamentos termais, mentres que pola tarde tiñan previsto realizar unha visita á bodega Pazo Casa Nova, do recoñecido viño do Ribeiro, con degustación incluída. O venres pola mañá de novo volverán aos tratamentos termais para, xa pola tarde, emprender camiño de volta a Vimianzo.