26-11-2012
Un xardín onde non medran as malas herbas para loitar contra a violencia de xénero
O día 25 de novembro conmemórase o Día Internacional contra a violencia de xénero e no concello de Vimianzo quixemos poñer o nosos gran de area para loitar contra esa lacra que medra na sociedade. A metereoloxía non deixou aos alumnos e alumnas do IES Terra de Soneira no acto, pero si participaron veciños e veciñas, traballadores e traballadoras municipais e representantes da corporación que foron creando o xardín de margaridas, un xardín especial no que cada persoa ía completando as flores con pétalos convertidos en mensaxes en contra da lacra social da violencia de xénero. Ao final un fermoso xardín cheo de mensaxes que foi trasladado á Casa da Cultura onde se poderá ver durante todo este mes xunto cunha exposición na que se poden ver diferentes imaxes visuais que nos achegan á realidade dos maltratadores e das vítimas.