Do 23-05-2024 ao 23-05-2024
Do 30-05-2024 ao 30-05-2024
As pastelerías de Vimianzo -Sampedro, PanIgnacio e Antoxos- uníronse, por mediación do concello, para crear un produto gastronómico identitario de Vimianzo. O resultado foron dúas sobremesas que se poderán adquirir nas panaderías de Vimianzo durante todo o ano e que os restaurantes da zona poderán ofertar dentro da súa carta.
As sobremesas que presentaron, logo de varias reunións entre os pasteleiros, foron a Bica de Vimianzo, unha torta con améndoa; e uns bombóns que levan por nome Pedras do Castelo, elaborados con noces, abelás ou améndoas. A primeira das sobremesas terá un custe de 10 euros o quilo, mentres que as Pedras do castelo serían a 18 euros o quilo.
Os pasteleiros rexistrarán estes dous produtos conseguindo así que Vimianzo teña un produto gastronómico propio e identitario que ofertar, como acontece con moitos outros lugares da nosa xeografía.
Esta inicitiva xurdiu dentro das Xornadas de primevera Vimianzo gastronómico na que participan estas tres pastelerías coas súas sobremesas; oito restaurantes (Casa Paco, O Cabral, O Retiro de Barboles, Restaurante O Castillo, Casa Sabina, Restaurante Vázquez, Restaurante Edreira e Restaurante Pastoriza) que ofertan un completo menú de priimavera; e oito bares (Celma Café, A Rúa, Hilton, Mehari, O Agocho, Quilmes, O Regueiro e Casa Landeira) que ofercen combinados especias e veñen de convocar un concurso de contacontos para animar as noites dos venres.
Unha campaña que demostra a unión do sector hostaleiro de Vimianzo e o interese en organizar diferentes iniciativas que axuden favorecer a economía local.