18-02-2020
Entroido 2020
O Concello de Vimianzo presentou a programación para o Entroido 2020 onde repartirá máis de 6000 euros en premios nos concursos de disfraces de Vimianzo e Baiñas.
En Vimianzo o día grande será o sábado 22 de febreiro e a partir das 16:30 h as comparsas, grupos, parellas e disfraces individuais percorrerán as rúas da vila para rematar nunha carpa da Praza do Concello onde haberá concurso disfraces, inchables e actividades para os máis cativos e moita troula entroideira coa orquestra Trebol.
Este ano as comparsas repartiranse 1700 €, os grupos 600€, as parellas 225€, disfraces individuais adultos 225€ e os disfraces individuais infantís 120€. O prazo para anotarse remata o 20 de febreiro ás 14:00h. de xeito presencial na Casa da Cultura ou por teléfono chamando ao 981717288.
O luns 24, martes 25 e mércores 26 de febreiro desenvolverase na Casa da Cultura un Obradoiro infantil de cociña entroideira. Poderán participar nenas e nenos de 3 a 10 anos. O prazo para anotarse remata o 20 de febreiro.
En Baíñas as celebracións desenvolveranse o sábado 29 de febreiro a partir das 19:30 h. As comparsas recorrerán as rúas dende O Outeiro até o Pavillón Polideportivo. No Pavillón haberá festa con inchables, animación,música e cea consistente en Lacón con grelos e filloas.
Este ano os premios serán os mesmos que en Vimianzo onde as comparsas repartiranse 1700 €, os grupos 600€, as parellas 225€, disfraces individuais adultos 225€ e os disfraces individuais infantís 120€. O prazo para anotarse remata o 27 de febreiro ás 14:00h. por teléfono chamando ao 667654088.
Ligazóns