- ERN4mob (European Rural Network for Job Mobility)
5º Encontro Internacional en Petrosino, Italia: Transferencia de Boas Prácticas para a rede ERN4mob
Participación: asistiron 20 participantes internacionais en representación das entidades socias do proxecto de España, Portugal, Irlanda do Norte, Polonia e Eslovaquia, e 45 participantes de Italia. En total, 65 participantes asistiron a este encontro internacional.
Lugar / Datas: o 5º Encontro Internacional tivo lugar en Petrosino, Italia do 7 ao 11 de marzo de 2017.
Descrición sucinta: durante os 4 días de visita, os asistentes participaron nas seguintes actividades e eventos:
- Reunión transnacional do proxecto;
- Conferencia con stakeholders e público obxectivo;
- Visita a un centro de migración e entrevistas con inmigrantes;
- Visitas de boas prácticas a algunhas granxas locais e empresas rurais nas que traballan inmigrantes;
- Taller para a presentación do Estudo de Necesidades e Boas Prácticas identificadas;
- Traballo en equipo internacional para identificar os servizos para implementar a Rede;
- Mesa redonda e discusión de grupo sobre a identificación de desafíos e propostas innovadoras a implementar a través da Rede; definición da estrutura e contidos de "Pearl Tree", entregable de resultados do proxecto.
Durante a reunión transnacional do proxecto, os socios do proxecto analizaron a situación actual das actividades e o orzamento do mesmo, extraeron conclusións acerca dos resultados do presente evento internacional e tomaron decisións sobre os aspectos organizativos en canto ao próximo encontro internacional en Eslovaquia.
Parte da axenda estivo dedicada a actividades culturais por exemplo, coñecer áreas históricas e naturais rexionais, degustar comidas tradicionais e aprender bailes folclóricos.
- Aviso legal
- Política de privacidade
- Política de cookies Tfno: 981716001 Fax: 981716650
